நாட்டின் காபி ஏற்றுமதி 6.8% குறைவு

August 2, 2012 ஆக்கம் senthilkumar

நடப்பு காபி பருவத்தில் (அக்.,-செப்.,), அளவின் அடிப்படையில், காபி ஏற்றுமதி, ஜூலை வரையிலான 10 மாத காலத்தில், 2.85 லட்சம் டன்னாக குறைந்துள்ளது. இது, முந்தைய பருவத்தின், இதே காலத்தில், மேற்கொள்ளப்பட்ட ஏற்றுமதியை விட, 6.8% குறைவு என, காபி வாரியம் தெரிவித்துள்ளது. மதிப்பீட்டு காலத்தில், மதிப்பின் அடிப்படையில், காபி ஏற்றுமதி, 3% உயர்ந்து, 4,225 கோடி ரூபாயாக அதிகரித்துள்ளது. சர்வதேச காபி உற்பத்தியில், இந்தியா 4.5% பங்களிப்பை கொண்டு, ஐந்தாவது மிகப் பெரிய நாடாக திகழ்கிறது. நாட்டின் மொத்த காபி உற்பத்தியில், 70 - 80% ஏற்றுமதி செய்யப்படுகிறது. இந்திய காபி ஏற்றுமதிக்கு இத்தாலி, ரஷ்யா, ஜெர்மனி போன்ற நாடுகள் முக்கிய சந்தைகளாக திகழ்கின்றன.