Buy Back என்றால் என்ன?

பங்குகளை பொதுமக்களிடமிருந்து திரும்ப வாங்குவதே buy back என்று சொல்வார்கள். நிறுவனங்கள் பங்குகளை திரும்ப வாங்குவதால், பங்கு வர்த்தகம் மந்தமாக இருக்கும் போதும் பங்கின் விலை உயர வாய்ப்புள்ளது. நிறுவனர்களின் பங்கு மூலதனம் அதிகரிக்கும். இதனால், இதர நிறுவனங்களால் இத்தகைய நிறுவனங்ளை எளிதில் கையகப்படுத்த முடியாது. இவ்வாறு பங்குகளை திரும்ப வாங்கும் ஒரு சில நிறுவனர்கள் பங்குகள் விலை உயரும் போது, பங்குகளை விற்பனை செய்து ஆதாயம் ஈட்டுகின்றனர். நிறுவனர்கள் பங்குகளை அதிக விலை கொடுத்து வாங்குவதால், பங்குதாரர்களுக்கு ஆதாயம் கிடைக்கிறது. உதாரனமாக, சமீபத்தில் ரிலையன்ஸ் இன்ஃப்ரா 1000 கோடி பங்குகளை திரும்ப வாங்குகிறது. அதிகபட்சமாக பங்கு ஒன்றை ரூ.725 என்ற விலையில் வாங்கி வருகிறது. கடந்த ஏப்ரல் 11 ம் தேதி பங்குகளை வாங்க தொடங்கியது. 28ம் தேதி வரை 10 லட்சம் பங்குகளை வாங்கியுள்ளது.