Facebook Twitter Linkedin Youtube Slideshare

Skip to main content
முகப்பு

பொருளாதார செய்திகள்

உருக்கு பொருள்கள் பயன்பாடு 3.3% மட்டுமே வளர்ச்சி

April 10, 2013 ஆக்கம் senthilkumar

பொருளாதார மந்தநிலையால் கடந்த 2012–13–ஆம் நிதி ஆண்டில் உருக்கு பொருள்கள் பயன்பாடு 3.3% மட்டுமே அதிகரித்து 7.33 கோடி டன்னாக உயர்ந்துள்ளது. மூன்று ஆண்டுகளுக்கு பிறகு கடந்த நிதி ஆண்டில்தான் உருக்கு பொருள்கள் பயன்பாட்டில் வளர்ச்சி வேகம் குறைந்துள்ளது என்பது குறிப்பிடத்தக்கது. கடந்த 2010–11 மற்றும் 2011–12–ஆம் நிதி ஆண்டுகளில் பயன்பாடு முறையே 9.9% மற்றும் 5.5% உயர்ந்திருந்தது.

Tags |

பொது துறை நிறுவனங்களின் உருக்கு உற்பத்தியில் சரிவு நிலை

April 9, 2013 ஆக்கம் senthilkumar

கடந்த 2007-08 ஆம் நிதியாண்டு முதல், பொதுத் துறை நிறுவனங்களின் உருக்கு உற்பத்தி, சரிவடைந்து வருகிறது. இதையடுத்து, இத்துறையில், தனியார் துறை நிறுவனங்களின் பங்களிப்பு வளர்ச்சி கண்டு வருகிறது. உருக்கு உற்பத்தியில், சென்ற 2007-08 ஆம் நிதியாண்டில், 32% ஆக இருந்த பொதுத் துறை நிறுவனங்களின் பங்களிப்பு, கடந்த 2012 ஆம் ஆண்டு, ஏப்ரல்- டிசம்பர் வரையிலான காலத்தில், 21% ஆக வீழ்ச்சி கண்டுள்ளது.

Tags |

தேயிலை உற்பத்தி 5.54% உயர்வு

April 8, 2013 ஆக்கம் senthilkumar

நடப்பு 2013 ஆம் ஆண்டின், முதல் இரண்டு மாதங்களில்(ஜன.,- பிப்.,), நாட்டின் தேயிலை உற்பத்தி, கடந்த ஆண்டின் இதே காலத்தை விட, 5.54% வளர்ச்சி கண்டுள்ளது என, தேயிலை வாரியம் தெரிவித்துள்ளது. மதிப்பீட்டு காலத்தில், அசாம் மாநிலத்தின் தேயிலை உற்பத்தி, 2.30 லட்சம் கிலோ அதிகரித்து, 8.30 லட்சம் கிலோவாக உயர்ந்துள்ளது. அதேசமயம், மேற்குவங்கத்தில், இதன் உற்பத்தி, 4.70 லட்சம் கிலோ சரிவுடைந்து, 25.30 லட்சம் கிலோவாக குறைந்துள்ளது. ஒட்டு மொத்த அளவில், வட மாநிலங்களில் தேயிலை உற்பத்தி, 1.60 லட்சம் கிலோ குறைந்து, 34.50 லட்சம் கிலோவாக சரிவடைந்துள்ளது.

Tags |

அன்னிய நிதி நிறுவனங்களின் பங்கு முதலீடு ரூ.56,262 கோடி

April 8, 2013 ஆக்கம் senthilkumar

நடப்பு 2013 ஆம் ஆண்டில் இதுவரை, இந்திய பங்குச் சந்தைகளில் அன்னிய நிதி நிறுவனங்கள் மேற்கொண்ட நிகர முதலீடு ரூ.56,262 கோடியாக அதிகரித்துள்ளது. நடப்பு ஏப்ரல் மாதத்தில் இதுவரை (ஏப்ரல் 2 முதல் 5 வரை) அன்னிய நிதி நிறுவனங்கள் மேற்கொண்ட நிகர முதலீடு ரூ.639 கோடியாக உள்ளது. அதாவது, மொத்தம் ரூ.14,378 கோடிக்கு பங்குகளை வாங்கியுள்ள நிலையில், ரூ.13,739 கோடிக்கு விற்பனை செய்துள்ளன. அன்னிய நிதி நிறுவனங்கள், கடந்த 4 வர்த்தக தினங்களில் 3 தினங்களில் பங்குகளை விற்பனை செய்துள்ளன. இதன் காரணமாக, நிகர முதலீடு சென்ற வாரத்தை விட குறைந்துள்ளது.

Tags |

டீசல் விற்பனை 2% சரிவு

April 4, 2013 ஆக்கம் senthilkumar

நம் நாட்டில் பல்வேறு எரிபொருள்கள் விற்பனையில் டீசலின் பங்கு 50 சதவீதத்திற்கும் அதிகமான அளவில் உள்ளது. ஏறக்குறைய இரண்டு ஆண்டுகளுக்கு பிறகு பிப்ரவரி மாதத்தில் டீசல் விற்பனை 2 சதவீதம் சரிவடைந்துள்ளது. மோட்டார் வாகனங்கள் விற்பனை குறைந்துள்ளதே இதற்கு காரணமாகும். மேலும் டீசல் விலை நிர்ணயத்தில் அரசு கட்டுப்பாடுகள் ஓரளவு தளர்த்தப்பட்டு விட்டதால் விலை அதிகரித்து வருகிறது. எனவே இனி வரும் மாதங்களில் டீசல் விற்பனையில் சரிவு நிலையே காணப்படும் என ஆய்வாளர்கள் தெரிவித்துள்ளனர்.

Tags |

நடப்பு 2013–14 ஆம் நிதி ஆண்டில் ஏற்றுமதி 20% உயரும்

April 3, 2013 ஆக்கம் senthilkumar

நடப்பு 2013–14 ஆம் நிதி ஆண்டில் நாட்டின் ஏற்றுமதி 20% அதிகரிக்கும் என இந்திய ஏற்றுமதி நிறுவனங்கள் கூட்டமைப்பு தெரிவித்துள்ளது. அமெரிக்க பொருளாதாரத்தில் முன்னேற்றம் ஏற்படத் தொடங்கியுள்ளது. ஆப்பிரிக்கா மற்றும் லத்தீன் அமெரிக்கா போன்ற நாடுகளில் தேவைப்பாடு உயர்ந்துள்ளது. இதுபோன்ற காரணங்களால் இந்த நிதி ஆண்டில் ஏற்றுமதியில் முன்னேற்றம் ஏற்படும் என ஏற்றுமதி நிறுவனங்கள் கூட்டமைப்பின் (எஃப்.ஐ.இ.ஓ) தலைவர் ரஃபீக் அஹமது தெரிவித்தார்.

Tags |

ஆயுள் காப்பீட்டு பிரிமியம் வருவாய் ரூ.84,502 கோடி

April 2, 2013 ஆக்கம் senthilkumar

சென்ற 2012-13 ஆம் நிதியாண்டில், ஏப்ரல் முதல் பிப்ரவரி வரையிலான, 11 மாத காலத்தில், எல்.ஐ.சி., உள்ளிட்ட, 20 ஆயுள் காப்பீட்டு நிறுவனங்களின் பிரிமியம் வருவாய், 84,502 கோடி ரூபாய் என்ற அளவில் உள்ளது. இது, இதற்கு முந்தைய நிதியாண்டுடன் ஒப்பிடுகையில், 6.12% சரிவாகும் என, காப்பீட்டு ஒழுங்குமுறை மேம்பாட்டு ஆணையம் (இரிடா) தெரிவித்துள்ளது. மதிப்பீட்டு காலத்தில், திரட்டப்பட்ட மொத்த தொகையில், 7 தனியார் துறை ஆயுள் காப்பீட்டு நிறுவனங்களின், பிரிமியம் வருவாய் பங்களிப்பு, 1,000 கோடி ரூபாய்க்கும் அதிகமாக உள்ளது.எஸ்.பீ.ஐ. லைப் மற்றும் ஐ.சி.ஐ.சி.ஐ.

Tags |

உள்நாட்டு விமான பயணிகள் எண்ணிக்கை சரிவு

April 2, 2013 ஆக்கம் senthilkumar

நடப்பாண்டு, ஜனவரி, பிப்ரவரி மாதங்களில், உள்நாட்டில் விமான பயணம் மேற்கொண்டவர்களின் எண்ணிக்கை, 3.57% சரிவடைந்து, 1.02 கோடியாக குறைந்துள்ளது. இது, சென்ற ஆண்டு, இதே மாதங்களில், 1.04 கோடியாக இருந்தது. மதிப்பீட்டு காலத்தில், உள்நாட்டு விமான போக்கு வரத்தில், இன்டிகோ நிறுவனத்தின் சந்தை பங்களிப்பு, 27.4 சதவீதமாக உயர்ந்துள்ளது. இரண்டவது இடத்தை, "ஜெட்' ஏர்-வேஸ், ஜெட் லைட் நிறுவனங்கள் (25.4%) பிடித்துள்ளன. ஏர்-இந்தியா 18.9% சந்தை பங்களிப்புடன், நான்காவது இடத்திற்கு தள்ளப்பட்டுள்ளது. இந்த பட்டியலில், கோ-ஏர் நிறுவனம், 7.8 சதவீதத்துடன் இறுதி இடத்தை பிடித்துள்ளது.

Tags |

விமான எரிபொருள் விலை 5.5% குறைப்பு

April 2, 2013 ஆக்கம் senthilkumar

கடந்த இரண்டு மாதங்களாக அதிகரித்து வந்த, விமான எரிபொருளின் விலை, தற்போது, 5.5% குறைக்கப்பட்டுள்ளது. சர்வதேச சந்தையில், கச்சா எண்ணெய் விலை குறைந்துள்ளதால், விமான எரிபொருள் விலை குறைக்கப்பட்டுள்ளதாக, இந்தியன் ஆயில் கார்ப்பரேஷன் தெரிவித்துள்ளது. இதன்படி, டில்லியில் ஒரு கிலோ லிட்டர் (1,000 லிட்டர்) விமான எரிபொருள் விலை, 3,885 ரூபாய் (5.5 சதவீதம்) குறைக்கப்பட்டு, 66,196 ஆக நிர்ணயிக்கப்பட்டுள்ளது.

Tags |

முக்கிய எட்டு துறைகளின் உற்பத்தி -2.5% சரிவு

April 2, 2013 ஆக்கம் senthilkumar

நடப்பாண்டு பிப்ரவரி மாதத்தில், நாட்டின் முக்கிய எட்டு துறைகளின் உற்பத்தி, மைனஸ், 2.5 சதவீதமாக பின்னடைவை கண்டு உள்ளது. அதேசமயம், கடந்த, 2012 ஆம் ஆண்டின் இதே மாதத்தில், எட்டு துறைகளின் உற்பத்தி, 7.7% என்ற அளவில் வளர்ச்சி கண்டிருந்தது. கச்சா எண்ணெய் இயற்கை எரிவாயு, நிலக்கரி, மின்சாரம், கச்சா எண்ணெய் ஆகிய துறைகளின் உற்பத்தி, மிகவும் பின்னடைவை கண்டுள்ளன. இதையடுத்து, ஒட்டு மொத்த அளவில், முக்கிய எட்டு துறைகளின் உற்பத்தி சரிவடைந்துள்ளதாக, மத்திய வர்த்தகம் மற்றும் தொழில் துறை அமைச்சகம் வெளியிட்டுள்ள புள்ளி விவரத்தில் தெரிவிக்கப்பட்டுள்ளது.

Tags |

This site is best viewed in Internet Explorer 7 and above, Google Chrome 16.x and above, Mozilla Firefox 8.x and above.